Mëngjesin e sotëm ka pasur tensione mes qytetarëve dhe policisë në Kryebushat. Qytetarët e nisur nga Shkodra janë ndaluar nga policia, teksa kjo e fundit ka fotografuar listën e udhëtarëve duke shkaktuar tensione dhe kundërshtime në radhët e tyre.
Pas fotografimit të listës, qytetarët janë lënë të lirë që të nisen drejt Tiranës.
Më herët deputeti i PD Flamur Noka ka qenë në një nga pikat ku janë mbledhur protestuesit në Shkodër, ndërsa tha se sot është dita e qytetarëve:
“Siç e shihni janë disa pika ku nisen qytetarët shkodranë drejt Tiranës. Kjo është një nga pikat. masiviteti është i paparë ndonjëherë. Janë me mijëra qytetarë të Shkodrës që po vërshojnë drejt Tiranës. Sot është dita të flasin qytetarët, sot do flasin shkodranët, do flasin shqiptarët, sot politika hesht. Është dita e tyre. Pritet ajo që qytetarët e dinë vetë. Sot është fjala e tyre jo e politikës”, deklaroi Noka.
