Filo Farnsuorth, ëndërronte të bëhej shpikës qëkur ishte 6-vjeçar. Deri në fundin e jetës, ai do të mbajë më shumë se 300 patenta, në lidhje me televizorin dhe fusha të tjera. Më 26 gusht 1930, mori një patentë për sistemin e parë televiziv krejtësisht elektronik. Sipas të afërmve, Farnsuorth e ëndërroi idenë e tij për televizionin elektronik, teksa po lëronte tokën me një kalë në fermën e re të familjes në Idaho.
Ishte vetëm 14-vjeç. Disa vite më vonë u zhvendosën nga Utah në Kaliforni, ku nisi të punojë më me intesitet mbi idetë e tij. Në vitin 1927, Filo dhe bashkëshortja e tij Elma realizuan transmetimin e parë:një vijë horizontale, e transmetuar tek një marrës në dhomën tjetër.
Farnsuorth vdiq në vitin 1971, i mbytur në borxhe si pasojë e shpenzimeve nëpër gjykata, lidhur me pretendimet për shkeljen e të drejtave të patentës. Interesant është fakti që shpikësi i televizorit, e këshilloi djalin e tij dhe familjen të mos shihte asnjëherë televizor. “Aty s’ka asnjë gjë të vlefshme, dhe ne nuk do ta shohim atë në familje”.
