Maqedonia e Veriut ka shpallur dy ditë zie kombëtare pas aksidentit tragjik të ndodhur pasditen e djeshme në autostradën Tetovë-Shkup. Nga ky aksident gjetën vdekjen deri tani 14 persona, ndërsa u lënduan 39 të tjerë.
Më poshtë ju sjellim disa foto nga vendngjarja, ku shihet edhe gjendja në të cilën ka përfunduar autobusi. Shoferi i autobusit, i cili ka mbetur i plagosur, ka deklaruar para policisë se nuk mbante mend se si ndodhi aksidenti.
Nga ana tjetër, policia vijon hetimet për zbardhjen e plotë të shkaqeve të aksidentit tragjik. Ndërkohë janë identifikuar tashmë 14 viktimat e tragjedisë së mbrëmshme në autostradën Shkup-Tetovë, në afërsi të fshatit Laskarcë. Pjesa më e madhe e viktimave janë të rinj, nën 30 vjeç.
EMRAT:
- Rametulla Abdurraimi, djalë i vetëm i familjes Abdurraimi
- Valdete Hamiti, (1989), nga Debreshti i Gostivarit, nënë e dy fëmijëve të mitur
- Jovica Tërpevski, djali i deputetit Bllagojçe Tërpevski nga Gostivari
- Besim Kamberi nga fshati Senakos i Gostivarit
- Onur Sadiku, 19-vjeçar nga Gostivari
- Esat Emruli nga Gostivari
- Ajdin Ismaili, 19 vjeç nga Gostivari
- Besim Fetai nga Vrapçishta
- Bejza Uzeiri nga Banjica e Poshtme
- Zoran Davidovski (1981), punonjës në Qytetin e Shkupit
- Tërpana Janevska, pensioniste nga Gostivari
- Boban Avramovski, student i FON-it
- Dejan Ristevski, i punësuar në Bankën Popullore të Maqedonisë
- Pavle Kostoski, nga Gostivari, i sapo diplomuar në Fakultetin Juridik në Shkup.
