Pas publikimit të videos me përmbajtje erotike, Gjykata e Shkodrës ka caktuar 30 ditë burg për policin Berhan Bajrakurti. Dyshohet se efektivi është regjistruar teksa ishte duke komunikuar në rrjetet sociale me të miturën nga Kopliku.
Ka qenë e ëma e vajzës që ka konstatuar videon, dhe pasi ka parë pamjet e rënda ka biseduar me 15-vjeçaren. Më pas i është drejtuar Komisariatit të Koplikut për të bërë denoncimin.
53-vjeçari ka theksuar se nuk është e vërtetë që ka ngacmuar seksualisht vajzën minorene. Ai ka pranuar se video që është publikuar online është e tija, por faktin që ka lidhje me një të mitur e ka mohuar tërësisht.
