“Numri i njerëzve të infektuar nga fruthi në Europë gjatë vitit 2018 ishte më i larti për dekadën e fundit”, deklaroi sot Organizata Botërore e Shëndetësisë.
Sipas të dhënave të reja të publikuara nga OBSH, theksohet se 82,596 njerëz janë infektuar nga fruthi në Evropë për vitin 2018 dhe se 72 persona, ku përshihen fëmijë dhe të rritur, vdiqën nga fruthi për vitin 2018. Raporti sqaron se vetëm 61% e të infektuarve u shtruan në spital.
Numri i rasteve të raportuara është “më i madhi në këtë dekadë”, thuhet në deklaratën e OBSH-së duke vënë në dukje se numrat janë “3 herë më të larta se numri i përgjithshëm i raportuar në vitin 2017 dhe 15 herë më i lartë se numri i njerëzve të prekur në vitin 2016.” Sëmundjet në vitin 2018 janë raportuar në 47 nga 53 vendet që përbëjnë rajonin Evropian të OBSH.
“CNN” shkruan se 90% e rasteve u raportuan nga 10 vende: Ukraina (53,218), Serbia (5,076), Izraeli (2,919), Franca (2,913), Italia (2,517), Rusi (2,256), Gjeorgjia (2,203), Greqi 2,193), Shqipëria (1,466).
Duhet theksuar se shifra e Shqipërisë është vetëm e personave që janë regjistruar në qendrat shëndetësore.
SHBA-të aktualisht po përjeton shpërthimet e fruthit në shtetin e Nju Jorkut, shtetin e Uashingtonit.
Fruthi është një virus ngjitës që përhapet përmes ajrit nëpërmjet kollitjes dhe teshtitjes. Simptomat si”; ethet e larta, skuqjet në të gjithë trupin, hunda e zënë dhe sytë e skuqur zakonisht zhduken pa trajtim brenda dy ose tre javëve. Megjithatë, një ose dy për çdo 1.000 fëmijë që infektohen nga fruthi do të vdesin nga ndërlikimet.
Raporti i ri thekson se në Evropë janë vaksinuar më shumë fëmijë se kurrë më parë, edhe pse numri i përgjithshëm i të vaksinuarve nuk ishte në dispozicion. Përktheu dhe përshtati TIRANA TODAY
