Teksa ka komentuar arrestimet e disa zyrtarëve në Ministrinë e Drejtësisë, gazetari Artan Hoxha ka paralajmëruar se ‘të mëdhenjtë’ ende nuk janë arrestuar. I ftuar se studion e ‘RepolitiX’ në ‘Report Tv’, Hoxha shtoi se Prokuroria po tenton të shkojë më lart me hetimet.
“Të mëdhenjtë nuk janë këta që janë kapur. Prokuroria po tenton më lart. Duke pasur parasysh se për çfarë tenderash bëhet fjalë, çfarë pozicioni kanë këta persona, më duket e pabesueshme që atë shkelje ta kenë bërë vetëm këta.
Sepse t’i hysh një afere të tillë, duhet të kesh një mbështetje. Shpresoj të mos dalë si tenderi i Elbasan-Tiranë. Unë nuk besoj se ata janë persona përfitues direkt të këtyre tenderave abuzivë’, u shpreh gazetari.
