Gjyqtarja e njohur Eni Çobani ka shpëtuar për mrekulli pas një aksidenti që ndodhi pak ditë më parë në Tropojë.
Makina Audi Q5 e drejtuar nga Çobani ka rënë nga rruga poshtë urës që lidh Bujanin me qytetin e Tropojës, duke u rrokullisur disa herë.
E sigurisht, ky aksident mund të kishte rezultuar fatal, por fatmirësisht Çobani dhe zonjat e tjera që udhëtonin me të, janë shëndoshë e mirë.
Pas aksidentit, ka reaguar edhe Ardit Gjebrea, i cili falënderon Zotin që i shpëtoi jetën Çobanit, ndërsa këtë aksident e sheh si një moment reflektimi për të kujtuar se të gjithë ne jemi të përkohshëm në këtë jetë.
Postimi i Arditit:
Të mendosh se çfarë aksidenti kalove @enicobani… u rrokullise disa herë me makinë – natën, borë, mbi 20 metra në fund… në përrua.
E çfarë jemi? Vetëm kalimtarë në këtë botë ku shpesh na zë sytë ligësia dhe intriga, e keqja dhe thika pas shpine!
Zoti nuk të mori pranë vetes këtë herë, por të la me ne e dashur Eni. Faleminderit!
Ndërkohë sot në mëngjes isha në banesat e përjetshme tek prindërit e mi, e rëndësishme ishte që nuk harrova sapo ika prej aty siç ndodh rëndom dhe uroj ta kem prezent vendin e të gjithëve edhe nesër, pasnesër…
Më shërben të perceptoj ndryshe, të sillem ndryshe!
