Në një aktivitet të organizuar për strategjinë e Shkollës së Magjistraturës, Ambasadori i BE në Tiranë, Luigi Soreca, u shpreh se ndërkombëtarët do japin kontributin e tyre, por edhe magjistratura duhet të bëjë punën e saj. Ai tha se Shqipërisë do ti jepen 34 milonë euro në tre vitet e ardhshme, pasi janë parashikuar për investime në Shkollën e Magjistraturës.
“34 milionë euro do jepen për Shqipërinë në tre vitet e ardhshme. Kemi parashikuar investime në Shkollën e Magjistraturës në ambiente, dhe bashkëpunim të ngushtë. Ndërkombëtarët janë gati për të ndihmuar, por edhe Magjistratura duhet të bëjë punën e saj.
Reforma në Drejtësi dhe Vettingu po përparon. Bëjmë thirrje për prokurorët të aplikojnë për SPAK. Nuk duhet humbur kjo mundësi historike. Ndërkohë, Shkolla e Magjistraturës do të jetë në bazë të Reformës në Drejtësi”, deklaroi Soreca.
