Mbreti Faruk ishte monarku i fundit i Egjiptit në historinë 150 vjeçare të dinastisë shqiptare. Ai bënte një jetë luksoze. Korrupsioni dhe keqqeverisja e dëmtuan imazhin e tij, ndaj u rrëzua pas një grushti shteti nga ushtarakët në vitin 1952. I riu Faruk zotëronte një koleksion të madh materialesh pornografike, një trend botëror i viteve 1930-1940. Ai kishte ndërkohë një koleksion të madh gotash dhe enësh të kristalta. Pas largimit të tij në ekzil, i gjithë koleksioni i tij u konfiskua nga regjimi i ri.
Ashtu si Ahmet Zogu edhe mbreti Faruk, mori si dhuratë një makinë Mercedes Benz nga Adolf Hitleri, me rastin e dasmës së tij. Mercedesi, një kabriolet i kuq, ishte si njëjti model që Fyhreri përdorte në paradat e tij ushtarake. Faruku ishte një adhurues i makinave dhe kishte mbi 100 të tilla, që të gjitha të kuqe. Pavarësisht pasurisë së madhe, besohet se ai vuante nga kleptomania, fiksimi për të vjedhur. Supozohet se gjatë një vizite shtetërore në Londër, ai i vodhi orën e xhepit kryeministrit britanik Uinston Çërçill.
Monarku me origjinë shqiptare, ishte ndërkaq një llupës i madh. Disa raporte thonë se ai konsumonte gati 600 midhje në javë. Por jetesa lukzose dhe shpenzimet e shfrenuara, e patën një kosto. I privuar nga pasuritë e tij në mërgim, mbreti vdiq thuajse i varfër në Romë të Italisë në vitin 1965.
