Ndërsa arma homologe amerikane jep vetëm një ndjesi të nxehtësisë së madhe, pa dëmtim të përhershëm, ZKZM-500 kineze mund të djegë veshjet dhe ti vërë flakën një njeriu të tërë. Prodhimi i një arme efikase me lazer tashmë ka hyrë në planet dhe përpjekjet e disa shteteve.
Astronomët e kërkojnë sepse sugjerojnë se të shtënat me lazer në hapësirë mund të tërheqin alienët. Ndërsa marinsat e SHBA e duan një armë me lazer, jo vdekjeprurëse, por që godet njerëzit një kilometër larg. Gjithsesi, duket se shkencëtarët kinezë kanë ecur më shpejt se gjithë të tjerët.
Kina thotë se ka zhvilluar një pushkë me lazer, që peshon vetëm 3 kg, të aftë të “karbonizojë” mishin e njeriut në një distancë prej 800 metër. Në një shkrim të “South China Morning Post” hulumtuesit kinezë thonë se pushka ofensive me lazer, ZKZM-500, është një armë tërësisht portative “jo-vdekjeprurëse” që mund të djegë flokët, lëkurën, madje edhe të depërtojë e tu vendosë zjarrin depozitave të karburantit.
Nga “Flash Gordon” në “Star Wars”, armët me lazer janë një element aq i rëndësishëm i shkencës së fiction, saqë njoftimi që kompania kineze “ZKZM Laser” ka prodhuar një pushkë lazer, ka tërhequr vëmendjen e të gjithëve.
Sipas raportit të “South China Morning Post”, që duket se është burimi i vetëm, ZKZM-500 është një armë e “kalibrit 15 mm” (në aspektin e lazerëve e paqartë) me madhësinë e një arme ofensive AK-47. Njëlloj si arma amerikane me lazer termik, që kemi raportuar disa vite më parë, ZKZM-500 është projektuar si një armë anti-personel. Por, ndërsa homologia i saj amerikane jep vetëm një ndjesi të nxehtësisë së madhe, pa dëmtim të përhershëm, ZKZM-500 mund të djegë, përmes veshjeve, ose ti vërë flakën një njeriu, nëse gjithçka do të gjykohet vetëm me informacionet qe kemi.
Përktheu dhe përshtati: TIRANA TODAY
