Një incident është shënuar sot në Qytetin Studenti, ku po prezantohet projekti i Kampusit të ri të Universitetit. Një studente i ka ndërprerë fjalën Ramës, në momentin kur ai po deklaronte se dëshironte të bënte të gjitha gjërat menjeherë, por nuk mund të bëhen. Kaq ka mjaftuar, që studentja të merrte fjalën: “Paguhesh me taksat e mia”, dëgjohet studentja të thotë. Kryeministri Rama ia ka kthyer: “Suksese, tani dil jashtë”.
Ndersa vajza po largohej, Rama shprehet: “Tashti ti del jashtë, dhe ne vazhdojmë punën. Sepse ju keni të gjitha të drejtat të ngrini probleme, por nuk mund të përmbysni historinë e bashkëjetesës mes njerëzve që ka norma të padiskutueshme, ndërprerja e tjetrit kur flet apo prishja e një bashkëbisedimi është mungesë aftësie, për të bashkëjetuar në demokraci”.
