Që në orët e para të ditës, studentët kanë shkuar në universitete, por kanë bojkotuar procesin mësimor. Me banka e karrige, ata kanë bllokuar korridoret, duke penguar kështu edhe ata studentë që duan vazhdimin e leksioneve si dhe pedagogët.
Lidhur me këtë situatë kaotike, ish-kryeministri Berisha ka publikuar një tabelë, ku me urdhër të Ramës, pedagogët duhet të mbajnë të gjitha mungesat. Qytetari që i shkruan Berishës, i vë në dukje se Rama ka urdhëruar pedagogët që të raportojnë si Repart Ushtarak të gjitha mungesat në leksione dhe seminare.
Po kështu, qytetari citon më tej se lista është dërguar nga dita e hënë, dhe vjen me email në Universitete nga Ministria e Arsimit. Kjo mënyrë shfrytëzohet si mjet presioni ndaj stafit akademik, që të mbajnë studentët në klasa.
