Këngëtarja e famshme Bebe Rexha ka shprehur haptazi dëshirën për të gjetur njeriun e jetës në vitin 2019.
Me anë të një postimi ajo shkroi:
“Për burrin tim të ardhshëm: Të lutem eja edhe më gjej. Dhe të dua”.
Pas kësaj deklarate, reagoi këngëtari Flori Mumajesi, i cili me humor i ka dërguar një mesazh shqiptares me famë botërore.
“Tak tak… Hape derën, jam unë Burri. Më shpejt se kaq nuk vija dot”, mesazh ky që e ka publikuar në Insta Story.
Pas kësaj, Flori ka bërë një tjetër reagim, ku tregon se këngëtarja e famshme ka “reaguar”. Ajo ka lexuar mesazhin, por ende nuk i ka kthyer përgjigje.
“E di që do thoni që nuk është e vërtetë, por ju siguroj që është e vërtetë. S’ka gjë unë prapë xhan.”– shkruan ai krahas fotos së bisedës me Bebe, ku lexohet një “Seen”.
