Pas ndërrimit të viteve, emigrantët kanë nisur të largohen nga Shqipëria, për të vijuar jetën e përditshme.
Si pasojë, ka pasur një fluks të madh të lëvizjeve në të dy anët e kufirit, në pikën e kalimit të Kakavijës dhe Kapshticës.
Sipas të dhënave të policisë kufitare në Kapshticë gjatë 24 orëve të fundit janë regjistruar,1382 shtetas shqiptarë e të huaj që kanë hyrë në Shqipëri të kalojnë festën e Vitit të Ri. Ndërkohë 2677 shqiptarë e të huaj janë regjistruar në dalje.
Mësohet se po punohet me katër sportele dhe me procedurë të përshpejtuar nga të dyja palët.
Burime nga Kakavija bëjnë më dije për Shqiptarja.com dhe informojnë udhetarët që të shmangin orarin e mëngjesit 07.00-12.00 dhe orët e pasdites nga 19.00-23.00 që është edhe orari i autobuzëve me qëllim që të shmangin orarin e pikut të fluksit të lëvizjeve.
Ndërkohë, informohet se vetëm gjatë ditës së sotme janë regjistruar në dalje nga pika kufitare e Kapshticës 3200 shtetas shqiptarë e të huaj dhe 850 automjete.
