Shqipëria pranoi në vitin 2012 kërkesën e SHBA-së, për të strehuar qindra muxhahedinë iranianë, që kundërshtojnë rregjimin aktual në Teheran. Sot në kampin e muxhahedinëve në Manëz të Durrësit, jetojnë mbi 3 mijë iranianë. Por Irani s’ka qëndruar duarkryq. Që nga viti 2013, ka ndërmarrë një fushë propagandistike kundër muxhahedinëve.
Ndërsa agjentë të shërbimit sekret, të stacionuar në ambasadën e Iranit në Tiranë, po përgatisnin sulme terroriste ndaj tyre. Qeveria shqiptare e dëboi ambasadorin Iranian, dhe për këtë u përgëzua nga SHBA dhe presidenti Trump. Por rreziku për sigurinë e vendit mbetet. Sipas SHBA-së pa rrëzimin e regjimit në Iran, muxhahedinët nuk do të lëvizin nga Shqipëria.
Deri atëherë, vendi do të vazhdojë të jetë një arenë e përplasjeve mes dy kampeve iraniane. Kjo situatë, sipas shumë agjencive të inteligjencës, ekspertëve dhe mediave, rrezikon ndjeshëm sigurinë edhe pa të, të brishtë të vendit.
Shqipëria, është bërë padashur pjesë e një loje gjeopolitike, që e tejkalon peshën e saj modeste. Aleancat strategjike janë të rëndësishme, por po të tilla janë edhe jetët e shqiptarëve. Çdo marrëveshje e këtij lloji, duhet të ishte pjesë e një konsensusi të gjerë.
