Arkeologët kanë zbuluar mbetjet e ngurtësuara të një kali të shfrytëzuar dhe një shalë në një vilë të lashtë në një periferi të Pompeit.
Kreu i parkut arkeologjik të Pompeit Massimo Osanna, tha për agjensinë italiane të lajmeve ANSA se vila i përkiste një oficeri të lartë ushtarak, ndoshta një gjenerali, gjatë kohës së lashtë romake.
Po ashtu, Osanna tha se janë zbuluar mbetjet e dy ose tre kuajve të tjerë. Tarracat e vilave kishin pamje të Gjirit të Napolit dhe ishullit të Kaprit. Zona ishte gërmuar më parë, në fillim të viteve 1900, por më vonë u mbulua sërish.
Shpërthimi vullkanik i malit Vesuvius shkatërroi Pompejin, pranë Napolit të sotëm, në 79 A.D.
Osanna thotë se hiri vullkanik ose avujt e valëvë kanë vrarë kuajt. Ai shpreson se vila do të hapet përfundimisht për vizita publike.
