Gjykata e Tiranës ka pushuar gjykimin ndaj deputetit socialist, Erjon Braçe. Ky i fundit u akuzua për shpifje nga FSHF dhe presidenti i saj, Armand Duka. Motivacioni i pushimit të gjykimit është mosparaqitja në gjyq e palës paditëse.
FSHF dhe Duka paditën deputetin Braçe lidhur me akuzat e herëpashershme në profilin e tij në rrjete sociale kundër presidentit të Federatës, të cilin midis të tjerave e akuzon edhe për mospagim të detyrimeve.
Në padi ishin regjistruar edhe thënie të tilla si “llum i shoqërisë” që Braçe ua dedikonte drejtuesve të federatës.
