Një grua 53-vjeçare, e cila mendonte se martesa e saj po shkonte më së miri, është shokuar kur ka zbuluar se bashkëshorti i saj kishte 3 gra të tjera dhe 13 fëmijë.
Turner Thomson nga Edinburgu, zbuloi se i shoqi i saj amerikan, i cili shtirej si një agjent i CIA-s, kishte një grua tjetër dhe të paktën 13 fëmijë me 6 gra.
William Allen Jordan ishte i sjellshëm dhe një burrë i mrekullueshëm me dy fëmijët e tij, por edhe një gënjeshtar serial që kishte edhe një grua tjetër gjatë marrëdhënies së tyre 6-vjeçare dhe që në vitin 2014 u burgos për bigami.
“U njoha me William online teksa isha një nënë beqare me një fëmijë 9-muajsh. Ai ishte shumë sharmant dhe ne shkëmbyem mesazhe. Filluam të dilnim bashkë dhe më kërkoi që të martoheshim brenda dy javësh që u takuam. Unë thashë jo, por u fejuam, më pas qëndruam të martuar për 4 vite. Pas 6 muajsh që ishim bashkë mbeta shtatzënë, që ishte një surprizë e madhe për mua sepse më tha se ishte infertil. Mendova se do më akuzonte për tradhti, pasi ai tregohej i bindur se nuk mund të kishte fëmijë”.
Jordan e manipuloi gruan e tij dhe e bëri të besojë se ishte një agjent i CIA-s. Kur largohej për të parë familjet e tjera, ai justifikohej se ishte në një mision.
Madje, ai e detyroi të shoqen t’i siguronte 200 mijë paund me pretendimin se e kishin kërcënuar se do i rrëmbenin 3 fëmijët.
“U detyrova të shes gjithçka që kisha, shtëpinë, makinën, sigurimin e jetesës, gjithçka”, tregon gruaja e mashtruar.
Nuk kishte asnjë kërcënim, por në të vërtetë kishte një grua tjetër. Muschele Lewis e telefonon gruan dhe e pyet:
“A je Mary Turner Thomson?, i thashë që po jam. Më pas më pyet: A jeni zonja Jordan? I pohova e më pas më tha që unë jam zonja tjetër Jordan. U takuam bashkë, qëndruam 12 orë duke folur. I nisa një mesazh bashkëshortit, por ai vijonte të insistonte që koha do e tregonte se kishte të drejtë.”
Jordan u burgos për bigami dhe mashtrim. Një nga viktimat e tij, ka shkruar një libër me titull “Bigamisti”, ku tregon historinë e jetës për të inkurajuar të gjitha femrat që kanë pasur histori të ngjashme./ TIRANA TODAY