15-ditëshi i fundit i dhjetorit, do jetë i paqëndrueshëm. Ky parashikim vjen nga meteorologia Lajda Porja.
Shirat rifillojnë të martën, për të pushuar të mërkurën e të enjten. Era do të vazhdojë e fortë, duke krijuar probleme në portet e vendit.
Edhe për festat e fundvitit, moti do të ketë paqëndrueshmëri. Krishtlindja do të kalojë në një mot të mirë, e më pas parashikohet të ketë reshje shiu.
“Data 26, një ditë pas Krishtlindjes do të ketë shumë shi. Më pas moti do të jetë i mirë, deri në fund të vitit”, u shpreh meteorologia Lajda Porja.
