Ish-kryeministri Sali Berisha, ka bërë publik një bisedë të realizuar në WhatsApp midis studentëve të mjekësisë, ku mes tyre ndodhet edhe një që i ka prerë në besë. Një student ka komunikuar me kryeministrin Rama, dhe është propozuar të ketë një takim. Por kjo gjë nuk është përkrahur nga pjesa tjetër, e cila nuk kërkon asnjë takim me kryeministrin.
Pak më herët, me anë të një postimi në Instagram, kreu i qeverisë ka nënvizuar faktin se zgjidhja e kërkesave duhet të bëhet përmes dialogut.
Studentët e universiteteve publike në vend, do të çojnë kauzën e tyre deri në fund. Pavarësisht motit që nuk është në favor të tyre, studentët janë mbledhur para Kryeministrisë.
Ata shprehen të bindur se do vazhdojnë protestat e tyre, deri në plotësimin e 8 kërkesave pa dialog.
