Shqiptari Besim Elezaj po i ndjek me vëmendje të veçantë lajmet, pasi kohët e fundit qeveria gjermane ka rënë dakord mbi një ligj për emigracioni. Për Besim Elezajn, ky është hapi i parë në drejtimin e duhur.
Deri tani, 30-vjeçari shqiptar ka humbur shumë kohë pasi nuk i lejohet të punojë në Gjermani, ngaqë është shtetas i një shteti që nuk është në BE.
Ai ka një kontratë pune si mekanik mobiliesh. Por pa ligjin e emigracionit, është e vështirë për të huajt që të punojnë në Gjermani. I riu kishte shkuar në Gjermani në vitin 2015.
“Doja të fitoj para këtu për të financuar veten dhe për të mbështetur prindërit e mi”, thotë i riu. Në moshën 16-vjeçare, Elezaj ishte larguar nga vendi i tij për të punuar në Greqi.
Ai kishte bërë punë të ndryshme në Greqi. Ai kishte punuar si kamerier nëpër restorante si dhe ndihmës fermer dhe ndihmës marangoz. “Në Greqi në atë kohë, shumë të huaj punonin si punonjës të përkohshëm. Shumë shqiptarë ishin mes tyre. Në Shqipëri, vështirë se ka ndonjë punë dhe paguhesh shumë pak”, tha i riu.
Por me krizën greke, u bë më e vështirë për njerëzit nga vendet jo anëtare të BE-së që të gjenin punë. Pra, Elezaj vendos të shkojë përpara dhe të kërkojë fatin e tij në Gjermani.
Në fillim të vitit 2015 ai kishte shkuar në Mynih ku menjëherë kishte gjetur punë në një restorant grek. Por, plani i tij për të jetuar dhe punuar në Gjermani ka dështuar, dëbimi ndoshta është vetëm një çështje kohe.
Por, duket se për të riun shqiptar ka ende shpresë. Me refugjatët e Tönisvorst ai mëson gjermanishten, si dhe ai është punësuar në një kompani mobiliesh me një kontratë të përkohshme pune.
Por, Elezaj me daljen e ligjit vendosur të shkonte në Tiranë për të aplikuar për një kontratë pune në ambasadë. E gjithë kjo kërkoi kohë dhe para. Pas, 4 muajsh pritje ai mësoi se nuk i lejohet të punojë në Gjermani për të paktën dy vitet e ardhshme, sepse gjatë qëndrimit në Gjermani ai ka marrë përfitime sociale.
Por, kur ishte në Gjermani ai ishte dashuruar me një vajzë gjermane. Familja e vajzës gjermane e kishte marrë Elezajn dhe i kishin ofruar punë si marangoz.
Më në fund gjithçka duket sikur po shkon mirë. Elezaj ka bërë një tjetër përpjekje për kontratë pune por përsëri i është hedhur poshtë. Nga ana tjetër shefi i tij nuk heq dorë./Përshtati: Tirana Today/
