Studentët janë ndarë në dy pjesë, dhjetëra janë zhvendosur në rrethrrotullimin e Zogut të Zi, ndërsa pjesa tjetër kanë qëndruar përpara Ministrisë së Arsimit.
Tirana Today sjell pamje të drejtpërdrejta nga të dyja këto pika, ku vazhdohet të protestohet. Zhvendosja e disa prej studentëve në Zog të Zi ka shkaktuar bllokimin e qarkullimit rrugor.
Të vetëdijshëm për këtë shqetësim për qytetarët e Tiranës, studentët u kanë kërkuar ndjesë atyre.
“Na falni, por nuk kemi zgjidhje tjetër”, janë disa nga fjalët me të cilat një nga studentët u është drejtuar qytetarëve të bllokuar.
Por, gazetari në terren i Tirana Today raporton se ka pasur një mirëkuptim nga ana e shoferëve. Këta të fundit janë treguar të duruar dhe nuk ka pasur revoltime dhe as bori makinash nga ana e tyre./ TIRANA TODAY
