Studentët protestues kanë publikuar programin e plotë që kanë për nesër dhe mënyrën se si do të vazhdojë mosbindja e tyre. Në program, ndryshe nga ditët e tjera bie në sy bllokimi i qarkullimit të automjeteve në të gjitha pikat kyçe të kryeqytetit për një orë.
Studentët kërkojnë plotësimin e kërkesave të tyre si të drejta themelore. Thirrjet që të gjithë studentët t’i bashkohen nesër një proteste gjigante, të rinjtë i bëjnë në rrjetet sociale.
Ata kërkojnë uljen e tarifës së studimit në 1/2 e vlerës, heqjen e tarifës shtesë për kreditë, përmirësimin e kushteve të konvikteve etj..
Në mbyllje të protestës së tyre për ditën e sotme, studentët kanë pastruar pjesën para Ministrisë së Arsimit, ndërsa i dhanë ultimatum Ramës që deri në orën 4 nëse nuk do të plotësojë të gjithë kërkesat, atëherë ata do të drejtohen për tek zyra e tij.
