Kryeministri Edi Rama e ka nisur ditën sot me një mesazh ndaj të gjithë studentëve, ku i fton për dialog.
Me anë një postimi në faqen e tij zyrtare në Facebook, Rama njofton se sot në orën 11.00, në profilin e tij do të ketë një komunikim të hapur me studentë dhe pedagogë.
“MIRËMËNGJES
dhe me rikujtesën për komunikimin e hapur, LIVE, sot në 11.00 në këtë faqe, me studentë a pedagogë të interesuar për të dialoguar mbi Universitetin, ju uroj një javë të mbarë”, shkruan Rama.
Një ditë më parë, studentët ia prenë shkurt kryeministrit në lidhje me ftesën për dialog.
Ata janë shprehur se nuk ka negociata me asnjë prej qeverisë, as Edi Ramën e asnjë tjetër.
‘Studentët nuk pranojnë. Jo negociata.
Të plotësojë kërkesat. Ne jemi këtu në shesh të gjithë bashkë, nuk ka përfaqësi.
Nuk ka negociata’, kanë thënë studentët të gjithë së bashku.
