Analistë të ndryshëm thanë mbrëmë në media se pas protestës së studentëve qëndronte kryetari i Bashkisë Erion Veliaj. Veç deklaratave nuk u dha asnjë provë konkrete.
Por sot mediat zbulojnë provën e fortë se në krye të kësaj proteste qëndrojnë njerëzit e Veliajt.
Paraditen e sotme një nga njerëzit e Veliajt i cili është ‘i infiltruar’ në protestën e studentëve duke qenë një nga drejtuesit, doli kundër pranimit të banorëve të Unazës Re që t’i bashkoheshin protestës së studentëve.
Njeriu i Veliajt quhet Luis Kasneci dhe është anëtar i FRESSH, por njëkohësisht mbështetës dhe njeri i afërt i kryebashkiakut të Tiranës.
“Në çdo moment që ta takosh, gjithmonë të jep këshilla frymëzuese. Lali Eri ?”, shkruan Luis Kasneci si koment në një foto ku ka dalë me Erjon Veliajn.
Luis Kasneci refuzoi sot që banorët e Astirit t’u bashkoheshin studentëve, pasi sipas tij, protesta do konsiderohej politike dhe nuk duhet që banorët të bashkohen me kauzën e studentëve, ndonëse ata shprehën se do merrnin pjesë si qytetarë e prindër.
Me sa duket ftohja e Veliajt me Ramën ka ardhur që kur kryeministri u shpreh për të fundit herë në Report TV se e vendos PS-ja dhe strukturat drejtuese, pavarësisht se më parë kishte thënë se Veliaj do kandidohet nga PS-ja për një mandat të dytë.
Protestat e studentëve filluan menjëherë pasi në korridoret e politikës u përshpërit se do të jete Ogerta Manastirliu, kandidatura e PS-së për bashkinë e Tiranës në zgjedhjet lokale që do mbahen në qershor.
