Shqipëria duket se po merr “flakë” nga protestat masive. Studentët ia pasojnë protestën bluzave të bardha. Të indinjuar për pagat e tyre, infermierët në gjithë Shqipërinë i kanë vendosur ultimatum qeverisë.
Ata janë mjaft të qartë në kërkesat e tyre, e ndërsa paralajmërojnë se nëse nuk mbahet premtimi për shpërblime e rritje pagash deri në datën 25 dhjetor, do të ngrihen në protestë.
Sikundër i kanë parashtruar edhe më herët kërkesat e tyre, bëhet fjalë për kushte më të mira pune, paga të larta, shpërblim për fundvitin, siguri në punë, etj. Lajmin e ka bërë të ditur Shoqata e Infermierëve, në faqen zyrtare.
“Deri më datën 25, nëse infermierët në të gjithë vendin marin shpërblim dhe nuk mbahet premtimi për rritje page, do ngrihen në protesta, deri në bojkot të punës, deri sa ta kuptojnë vlerën që kanë infermierët.
Të gjithë bashkë mund të arrijmë në atë kauz që të gjithë duam.
Kushte pune më të mira;
Paga më të larta;
Shpërblim për fundvitin;
Siguri në punë;
Vlerësim të punës dhe figurës së infermierit;
Verifikim të dosjeve të çdo infermieri që ata pa diplomë e pa licensë të largohen, e të punësohen ata që e meritojnë;
Largimin e frymës se presionit dhe politizimit të profesionit të infermierëve.
Këto e shumë kërkesa që kanë infermierët, do parashtrohen në ngritjen e të gjithë infermierëve në vend, nëse Qeveria që është dhe çdo Qeveri nuk reagon për këtë kategori punonjësish”.
