Gazetari dhe analisti i mirënjohur Mentor Kikia, ka reaguar në lidhje me protestat masive të studentëve. Por teksa bën një paralelizëm, se si ka qenë dhe si është situata aktuale, ai nuk nguron ti japë një shuplakë të fortë opozitës, ku sipas tij, gjen terren për të arritur objektivat e saj.
Që në krye të shkrimit, ai ka një apel të hapur ndaj PD, që të mos përdhosë këtë protestë. Kikia shenjështron këdo se në çfarë gjendje është tashmë kjo gjeneratë, e për këtë, të gjithë kemi një peshë faji.
Me një analizë sa të thjeshtë, dhe kaq realiste, ai sjell ndërmend të gjithë “prapaskenat” që kanë përjetuar studentët ndër vite. Ky brez ka shkuar në mitingjet e PD-së dhe PS-së. Ky është brezi që ka dëgjuar se që të fillosh punë, duhet të jesh në FRESH, LRI dhe FRPD. Ky është brezi që prindërit po i nxisin të mësojnë gjermanisht, pasi e ardhmja e tyre nuk është më këtu.
Ky është brezi që për pedagogë kanë edhe nga ata që doktoraturat i kanë marrë copy-paste, apo i kanë blerë në universitetet-punishte.
Në këtë shkrim sa detajist, por edhe të trishtë, ai lan “haqet” edhe me opozitën, duke i cilësuar bashkëfajtorë.
