Real Madrid pas turpërimit të një jave më parë në La Liga nga Eibar, do të provojë të rikthehet tek fitorja në një përballje të vështirë si ajo me Valencian. Senca stërvitore e ditës së premte ka qenë më një angazhim të madh nga të gjithë lojtarët dhe atmosfera dukej pozitive, deri në momentin që filluan përplasjet mes lojtarëve.
Ishte Luka Modric ai që nisi shkëndijat para me talentin e ri Vinicius Jr. Teksa si zakonisht janë bërë në formën e rrethit, ku Luka Modric i ka pasur topin brazilianit Vinicius, po ky i fundit nuk e ka kapur topin, duke pretenduar se nuk ishte te këmbët e tij.
Mesfushori kroat insiston te Marcelo se ai duhet të futet në mes për të marrë sferën, por sulmuesi ia plas së qeshurës duke bërë dhe disa shenja që tregojnë se vetëm me duar mund ta kapte topin. Nga ai moment, kandidati për “Topin e Artë” nxehet ku në fund edhe përplaset me shokun e tij, duke nënkuptuar se kjo gjë nuk ishte diçka e vogël.
Kujtojmë që edhe disa javë më parë, e njëjta situatë ndodhi edhe mes Sergio Ramos dhe mbrojtësit Reguilon, produkt i Canteras, i cili ka debutuar edhe në Champions League si titullar, pasi kapiteni i skuadrës goditi dy herë me top lojtarin.
