Shqipëria më 28 Nëntor ka festuar ditën e Pavarësisë. Të shumtë kanë qenë të famshmit shqiptarë që kanë uruar atdheun për festën kombëtare.
Edhe këngëtarja Era Istrefi ka uruar Shqipërinë me një foto bashkë me Norën ku duken duke bërë shqiponjën me duar.
Ato ndodhen në Athinë dhe nga atje kanë vendosur të bëjnë edhe foton që në rrjete sociale po konsiderohet si provokim ndaj Greqisë.
Fansat grekë kanë reaguar menjëherë ndaj kësaj fotoje dhe kanë shpërthyer në ofendime ndaj këngëtares shqiptare.
Pas këtyre komenteve ishin të shumtë edhe fansat që e mbështesnin Erën. Ata e u kapën me faktin se nuk kishte aspak rëndësi vendi ku ishte. Kjo pasi ajo po uronte vendin e saj në një ditë kaq të rëndësishme.
Edhe vetë këngëtarja ka reaguar gjithashtu ndaj këtyre komenteve aspak të hijshme duke shkruar: “Ndodhem këtu për një udhëtim pune, po festoj Ditën e Pavarësisë ë Shqipërisë këtu. Jam artiste, jo politikane. I dua të gjitha shtetet dhe u uroj të gjithëve paqe dhe mirëqënie. Prandaj nuk ka disrespekt për asnjë. Ka vetëm dashuri dhe respekt për ju dhe vendin tuaj të bukur. Le të qëndrojmë së bashku, të mos lemë asnjë apo asgjë të hyjë mes nesh. Paqe!” .
