Në 106-vjetorin Pavarësisë së Shqipërisë, aktivistë të “Aleancës Kuq e Zi”, kanë ndërmarrë një akt simbolik në Thesprotia të Greqisë. Shqiptarët kanë postuar foto në Facebook teksa heqin flamurin grek nga një monument historik dhe vendosin atë shqiptar, ndërkohë që shumë pranë këtij vendi janë edhe zyrat e Agimit të Artë.
Veprimi ndodhi dje po mediat greke vijojnë të shkruajnë. Mediat greke e kanë cilësuar një provokim veprimin, ndërsa policia ka arrestuar të rinjtë shqiptarë.
Media greke “Tilestwra” shkruan: “Ky është një provokim dhe të gjithë po pyesin se çfarë po bëjnë autoritetet që lënë shqiptarë të sillen në një shtet të huaj si në shtëpinë e tyre?!
Kjo është padyshim një përpjekje për të nxitur një klimë kundër Greqisë dhe për t’i dhënë zë Çamërisë, e cila pretendon për prona në fshatrat e prefekturës së Thesprotisë.”
Media greke ‘Newsbomb.gr’ shkruan se ky akt vjen pas deklaratave të shefit të qeverisë, Edi Rama.
Ndërkohë po në këtë artikull, kjo media shkruan se të rinjtë hoqën flamurin grek me shpejtësi duke lartësuar atë shqiptar.
Gjithashtu në një video të shpërndarë po nga një media si “Star.gr” përshkruhen disa momente, ku sipas saj shqiptarët tregojnë dhe shpalosin veprime irredentiste në rrjete sociale kundër Greqisë.
