Sytë e të gjithë tifozëve janë drejtuar nga eventi që pritet të mbahet së shpejti, për të dhënë çmimin “Topi i Artë” për lojtarin më të mirë të vitit.
Por, duket se Messi dhe Ronaldo do të mbeten ‘me gisht në gojë’. Të paktën kështu parashikon sajti i njohur spanjoll “Onda Cero”, që sipas saj fitues i këtij çmim këtë vit është Luka Modriç. Madje, sipas këtij sajti, Messi e Ronaldo nuk do të jenë as në treshe.
Edhe pse kjo medie shkruan me siguri për fituesin absolut të “Topit të Artë”, mbetet të presim deri të hënën për të parë nëse vërtet Modriç do lërë pas dy nga lojtarët më të mirë të futbollit.
