“What the Fuck”, ishte një frazë e përdorur nga kryeministri Edi Rama, gjatë takimit zyrtar dhe të protokolluar në Kosovë, e cila ngjalli mjaft kritika. Por fraza e përdorur nga ai është shndërruar në këngë.
Rama ishte mjaft i ashpër ndaj shtetit serb, i cili në vazhdimësi po bllokon Kosovën në çfarëdo nisme apo aktiviteti në të cilën merr pjesë edhe Kosova.
Ai për ta bërë më të qartë bllokadën që i bën Serbia-Kosovës, përmendi rastin kur Kosovës i është kërkuar përmes ndërkombëtareve t’i hiqet emërtimi Republika e Kosovës, në një aktivitet në Beograd, madje kjo ishte bërë në dy të natës. Rama për këtë pati edhe një deklaratë interesante.
“What the Fuck” për këtë situatë do të thuhej në gjuhën e Parlamentit Evropian. Si ndodh kjo? Mirëpo këto vështirësi janë të kapërcyeshme kur ka vullnet të mirë, për të vazhduar tutje”, ka thënë Rama para dy kabineteve qeveritare.
