Ish-kryeministri Berisha ka reaguar ashpër ndaj dy ngjarjeve të fundit në Vlorë dhe Lushnje, ku u plagosën rëndë dy persona. Sipas tij, sërish ka goditur operacioni “Forca e Krimit”. Berisha shkruan se i plagosuri i Lushnjës, Saimir Taullahu, ishte kundërshtar i “Aldo Bares së Partisë”, ndërkohë që ka shtuar se kriminelët e të dy ngjarjeve u larguan në drejtim të policisë.
Saimir Taullahu mësohet se është larguar nga spitali. Mjekët në Lushnje konfirmojnë se pasi është mjekuar në kokë, 47-vjeçari me dëshirën e tij është larguar nga pavioni, dhe për këtë është regjistruar edhe në kartelë.
Ende nuk dihet vendndodhja e tij, por nga spitali mësohet se është shoqëruar me punonjës policie. Atentati ka ndodhur në vendin e quajtur “Rotondo e Plugut”, aty ku në pronësi të tij është një karburant dhe një lokal. Grupi hetimor po punon për zbardhjen e plotë të ngjarjes, si edhe identifikimin e autorëve.
https://tiranatoday.com/lokali-i-bere-nga-shenjestra-e-ne-lushnje-zhduket-nga-spitali/
