Gjatë një takimi të mbajtur me të rinjtë në kryeqytet, ku ka shpërndarë karta anëtarësimi, Rama përcolli ndaj tyre disa këshilla. Ai risoli në fokus Tiranën si ka qënë, edhe si është transformuar. Duke u kthyer pas në kohë, kryeministri Rama tha se Tirana që i lanë qeverisja e shkuar, ishte kthyer në tmerr.
“Politika merret me ty, merresh s’merresh ti me politikën. Në kontekstin në të cilin jeton, politika ka ndikime negative, apo pozitive. Politika merret me ty, sepse merr vendime, dhe sigurisht që nuk janë të gjithë njësoj. Se edhe në pyll, kafshët nuk janë njësoj. Pemët nuk janë njësoj, lulet nuk janë njësoj.
Por një gjë është e sigurtë, që ne dhe të tjerët nuk jemi njësoj. Dhe për këtë nuk ka nevojë të diskutojmë, është më i mirë a më i keq, mjafton të shikojmë çfarë bëjmë ne kur na jepet mundësia.
Që s’jemi njësoj, këtë e tregon historia e Tiranës, kur qeverisën ata dhe kur qeverisëm ne. Por natyrisht nuk është e gjithë përgjegjësia dhe i gjithë faji i tyre. Sepse ishte një moment i veçantë i historisë, nga një sistem ku ishin të gjithë njësoj, në një sistem ku të gjithë kërkonin pronën e tyre. Sidoqoftë, Tirana që na lanë ishte tmerr.
Shof atë “Lëvizja për Universitetin”. Ajo është një lëvizje i një grupi njerëzish për një vizion, që është komplet-komplet i gabuar. Por ama dëgjohet zëri i tyre, pasi ata e ndjekin atë linjë. Gjërat që thonë ata, janë komplet të parealizueshme, por ata dëgjohen.
Kjo që bëjmë ne, e bëjmë për pasion, jo për punë. Nuk është se kemi gjetur një punë, e bëjmë për pasion. Mua personalisht kjo më bën të ndjehem i dobishëm”, përfundoi Rama.
