Sikundër kanë paralajmëruar edhe më herët, qytetarët nuk ndalen në kërkesën e tyre për prishjen e shtëpive. Banorët e Astirit thonë se do ti mbrojnë me gjak, por ka edhe nga ata që kërcënojnë kryeministrin Rama.
Një qytetar, banor i Unazës së Re, në ditën e 18-të të protestës, ka paralajmëruar kryeministrin Edi Rama, se po i vrau ata banorë, do dalë dikush më i fortë që do i jap fund dhe atij.
“Unë e kam llogarit që do vdes, do vdes për pronën time. Hajde ulu me ketë popull, lëri shprehjet dhe ironitë që ke bërë me këtë popull. Po na vrave ne, do të dalin të tjerë më të fortë se ne, edhe ti me ne e ke fundin. Ta kesh të qartë një herë e përgjithmonë!”, tha ai para mediave.
Më tej ai i bën thirrje të gjithë shqiptarëve, Avokates së Popullit e ambasadave që të mos flenë gjumë, por të reagojnë. Sipas tij, revolucioni do të fillojë nga Unaza e Re.
“I bëj thirrje Avokates së Popullit mos të flejë gjumë, ambasadave, të vijnë tani sa nuk është vonë. Revolucioni do të fillojë nga Unaza e Re. Vërja gishtin kokës nga do e kesh përfundimin. Mos tani, më vonë. Ngrihuni të gjithë o popull, se nuk do na shtypin fashistët në Shqipëri”, tha më tej ai.
