Kryeministri Rama, në postimin e tij të radhës në Twitter, i është rikthyer një çështje e cila është debatuar ndjeshëm kohët e fundit, ajo e paketës Anti-Shpifje. Edhe më herët, duke thumbuar portalet, ai vendosi pikat mbi “i”, duke nënvizuar se urbanizimi i xhunglës online nis nga legalizimi i portaleve, ndërsa paralajmëroi që ato të regjistrohen në QKB.
Kreu i qeverisë i cilësoi portalet “fantazma pa adresë, e pa emër”.
Duke qëndruar në të njëjtën linjë, sot Rama njofton se është takuar me Harlem Désir, i cili është përfaqësuesi i OSBE-së për liri të mediave. Dy palët kanë diskutuar në lidhje me Paketën-Antishpifje.
