Nga Xhevdet Zeka/E pabesueshme, por reale: Panuçi po përballet me bandën e eunukëve mediatikë, a thua se ai është e keqja e këtij vendi, e kombëtares sonë të futbollit.
Këta liliputë, përballë madhështisë, profesionalizmit, stoizmit dhe përkushtimit serioz, në emër të përgjegjësisë ndaj një profesionit, karrierës, imazhit, dëshirës për sukses të gjigantit-futbollist Panuçi, nuk ndalen së kërkuari dështimin e tij në krye të kuqezinjve. Janë këta lapsaxhinj, që për një jetë më të mirë bëjnë gazetarin, analistin, menaxherin, por duan t’i japin mend edhe trajnerit të kombëtares.
Të përkëdhelur e qerasur pa fund nga “Gani Abazi”, që të gjithë lojtarët e gazetarëve-menaxherë i grumbullonte, i mbante afër, i aktivizonte, tashmë u duket fundi i botës, që Panuçi ua ka vendosur kufijtë te thana. E kam fjalën për kufijtë profesionalë, që ekzistojnë në çdo kombëtare të botës, ku gazetarë të veçantë nuk udhëtojnë, hanë bukë e madje flenë së bashku me kombëtaren. Pasi ishin mësuar nga Ganiu që të fitonin para edhe si menaxherë e qokaxhinj, me Kristianin nuk po u ecën.
Panuçi vjen nga një karrierë brilante si futbollist, ndërsa Ganiu si i papunë dhe ish-lojtar i inferiorëve, apo interist i dështuar. Pastaj, “qatopriftët” apo “jetkeqët”, për të shpërblyer borxhin, apo shpirtin e shitur për pak para dhe për një analizë në ekran “pronarësh”, turren për t’i bërë nënën “panos” (e kam fjalën për Panuçin), sepse nuk i dëgjon më trajneri, u përplas derën në fytyrë. Dhe ata u mblodhën, të gjithë në “alenacën e qelbësirave”(do thoshte Saliu), për të urryer e mallkuar misterin.
Liliputët janë tërbuar dhe me gazetarinë “made in” lapsat kinezë me gomë, kërkojnë lumturinë në humbjen e radhës së Kristian Panuçit.
Vajmedet, o gazetarë-menaxherë e intersaxhinj të vegjël!
Kombëtarja nuk bëhet për një sezon, o të shitur te djalli për pak lekë, për një jetë më të mirë!
Sot Italia ka 6 vite pa kombëtare të niveleve të saj, Hollanda 7 vite, Austria nuk mbahet mend, Polonia, Danimarka etj, etj. Etj. Dhe më keq, sepse ekipi kombëtar do vite të ngrihet, klubet mund të bëhen edhe për dy vite.
Panuçi po digjet për një fitore me Shqipërinë, “kurvat” po krihen e i luten zotit për një humbje të Shqipërisë!!!
Në UEFA Nations League, Gjermania, Uellsi, Italia etj. janë më keq se Shqipëria, por asnjërën nuk kryqëzojnë. Shqipëria do një fitore, Panuçi po digjet për atë fitore… Por, kombëtarja e sotme, edhe kur humbet, luan në sulm dhe më bukur sesa në kohën e Ganiut, kur kishte ndeshje që nuk kalonim as mesin e fushës. Forca Shqipëria! Suksese Kristian Panuçi!
