Mediat greke po përçojnë ende me të njëjtën jehonë vrasjen e Kacifas. Së fundmi, televizioni “Star”, duke iu referuar deklaratave të presidentit Meta, se autoritetet shqiptare duhet të jenë të përgatitura për çdo provokim, i ka cilësuar si të pavenda.
“Sigurisht që është një ngjarje e rëndë, sepse në çdo rast është një ngjarje e provokuar. Eshtë detyrë e institucioneve që të bëjnë një hetim shterues”, ka deklaruar më herët Meta në studion e emisionit ‘FAKT’.
Sipas tij, “është një ngjarje e cila synon të krijojë një acarim artificial të marrëdhënieve shqiptaro-greke, që nuk është hera e parë që ndodh. Sigurisht që ka probleme, por ka përpjekje për ti amplifikuar ato, sepse interesat e bashkëpunimit janë më të mëdha”.
Duke qëndruar në të njëjtën linjë, një koment ka ardhur edhe nga nëna e Kacifas. “Unë nuk kam frikë… Të gjithë kanë frikë të flasin. Pse na ushtrojnë presion? Ne nuk kemi lënduar askënd. A nuk është kjo diçka e papranueshme?”, ka deklaruar Vasili Kacifa, e ëma e Konstantinos.
Pas vrasjes të së birit, edhe i ati Jani tha se autoritetet shqiptare duan që minoriteti grek të jetojë me frikë.
“Ata nuk e bëjnë për asgjë tjetër, veçse për të na trembur. Duan që të na bëjnë të jetojmë me frikë. Mirë që do kemi frikë, por nga se? Ata më morën djalin tim. Tani ne duhet t’i tregojmë atyre forcën tonë”.
https://tiranatoday.com/i-vune-ne-koke-trondisin-mediat-greke-inspektori-i-zones-ne-bularat-provokoi-kacifasin/
