Vjeshta e zgjatur me temperatura të larta, duket se mbeti pas këtë fundjavë. Vendi ynë është përfshirë nga reshje shiu dhe dëbore, duke filluar nga nata që lamë pas, për të vijuar edhe gjatë ditës së sotme. Sipas meteorologëve, reshjet më të mëdha do të bien të martën e javës që vjen.
Parashikimi sipas Meteoalb:
Vijojnë reshjet e shiut dhe dëborës sonte gjatë natës dhe ditën e diel në zonat Jugore. Reshje më të pakta do të ketë në zonat Lindore. Zonat Qendrore dhe Veriore paraqiten me reshje te izoluara.
E hëna përmirëson përkohësisht kushtet e motit, por mbrëmja dhe e marta risjellin reshjet në territor.
Temperaturat e ajrit mbeten të ulëta në fundjavë dhe të hënën, ndërsa rritje graduale pritet për të martën dhe në vijim. Më e ndjeshme në temperaturat minimale, të cilat parashikohet të kalojnë ne vlera mbi zero.
