Krimi po sfidon hapur shtetin. Elbasani është tronditur pas shpërthimit të një granate në një nga lokalet pranë qendrës së qytetit, me pasojë plagosjen e rëndë të pronarit të tij.
Kjo ngjarje pason një ditë pas vizitës që pati me strukturat e policisë lokale, ministri i komanduar në Ministrinë e Brendshme, Sandër Lleshi.
Duket se porositë e tij kanë shkuar në “vesh të shurdhër”, pasi situata kriminale ka pllakosur vendin.
E njëjta situatë ndodhi edhe dy ditë më parë në Shkodër, ku më pak se 15 orë pas vizitës së Lleshit, në një atentat mafioz në lagjen “Rus” u vra shtetasi Fatos Ferracaku dhe u plagos tregtari tjetër, Fatmir Mehja.
Autorët e maskuar u drejtuan tek shënjestra e tyre dhe ekzekutuan Fatos Ferracakun. Vrasësi i cili pretentohet se është nga ata me pagesë, u largua më tej së bashku me një person, duke mos lënë asnjë gjurmë.
https://tiranatoday.com/tronditet-elbasani-brenda-lokalit-pronari-ne-gjendje-te-rende/
