400 punonjës policie kanë konkurruar më 4 nëntor për gradën Komisar, në Akademinë e Policisë. Ata iu nënshtruan një testi me alternativa, por rezultatet e këtij provime kanë qenë të pavlefshme.
Është kreu i Policisë së Shtetit, Ardi Veliu ai që mori këtë vendim, pasi rezultoi se teza ishte e vjedhur dhe ishte përhapur, përpara se aplikantët të kryenin testimin.
Sipas rezultateve, 177 kandidatë kishin marrë më shumë se 70 pikë dhe u shpallën fitues. Mësohet se provimi do të ripërsëritet më 15 nëntor për të shmangur fenomenin e vjedhjes tek komisarët e rinj.
