Jose Mourinho do të shkarkohet nga Manchester United nëse nuk e fut klubin në një ndër katër skuadrat më të mirat të grupit.
United tashmë ndodhet 12 pikë larg liderit të ligës, pasi u mund nga Manchester City të dielën.
Po ashtu, djajtë e kuq janë 7 pikë larg vendit të katërt, të cilin e mban Tottenham, pas një fillimit të dobët të sezonit.
Kështu, shefët e Manchester United po e mendojnë seriozisht një largim të Mourinhos, megjithatë duhen parë si shkojnë gjërat në sfidat e ardhshme. Madje, ata kanë menduar edhe se kush do e zëvendësojë Mourinhon, teksa ekipi mendohet se mund t’i besohet drejtuesit të Tottenhamit, Mauricio Pochettinos.
Por, çfarë tha Mourinho pas humbjes?
“Njerëzit që nuk e kuptojnë analizën e futbollit, bazohen te statistikat. Unë nuk bazohem tek statistikat, unë bazohem tek ajo që ndjej dhe shoh gjatë lojës, dhe loja ishte aty deri në minutën 80-të e diçka. Pra, unë e konsideroj performancën e skuadrës time një performancë me gabime. Është ndryshe nga një performancë e keqe”, tha trajneri i Manchester United, largimi i të cilit duket se është i afërt./ Përshtati TIRANA TODAY
