Si pasojë e shpërthimit të një bombole gazi, banesa e një 77-vjeçari është përfshirë nga flakët në Elbasan.
Ngjarja ka ndodhur në fshatin Katundi i Ri, ndërsa i plagosur ka mbetur shtetasi me inicialet I.L, 77-vjeç.
Mësohet se 77-vjeçari është lënduar në përpjekje për të shuar flakët në banesë. Në vendin e ngjarjes kanë shkuar shërbimet e policisë dhe zjarrfikësja, ku kanë bërë të mundur shuarjen e zjarrit.
I moshuari ndodhet nën kujdesin e bluzave të bardha.
