Kreu i Partisë Bashkimi për të Drejtat e Njeriut, Vangjel Dule i ka dërguar sot një letër presidentit Meta lidhur me rastin e Konstandinos Kacifa, që u vra nga RENEA.
Dule kërkon impenjimin e Metës, edhe në cilësinë e Kryetarit të Këshillit të Lartë të Drejtësisë, për çështjen e Konstandinos Kaçifas dhe dorëzimin e trupit të tij për varrim.
“Çështja e dhimbjes së familjarëve, sensibilitetit të Komunitetit Grek dhe dimensioni human për të kryer ritet e përcjelljes, nuk mund të trajtohet me indifirencë burokratike dhe formalitete justifikuese”, thuhet në letrën e PBDNJ drejtuar Presidentit.
Sot, familjarët e ekstremistit grek Kostandino Kacifas, kanë bërë kërkesë në Prokurorinë e Krimeve të Rënda për tërheqjen trupit të 35-vjecarit.
Trupi i të ndjerit mbahet në ruajtje nga Instituti i Mjekësisë Ligjore deri në përfundim të plotë të ekspertizës mjeko-ligjore.
Po ashtu, avokati i familjes Kacifa në një intervistë për mediat greke u shpreh se trupi i 35-vjeçarit do t’i kthehet familjes ditën e nesërme.
