Zëvendësministri i Jashtëm, George Katrougalos, në një intervistë për mediat greke ka kërkuar që autoritetet shqiptare të pranojnë në mënyrë të menjëhershme kërkesën e familjes së Kostandinos Kacifas, për të tërhequr trupin e 35-vjeçarit.
“Që nga fillimi i kemi sqaruar prioritetet tona: të hedhim dritë mbi rastin dhe të mbrojmë të drejtat e vëllezërve tanë grekë. Së fundi, me respektin dhe pa asnjë tërheqje në dy të parat, ne gjithashtu duhet të mbrojmë marrëdhëniet tona dypalëshe”, u shpreh Katrougalos.
“Ne kemi bërë lëvizjet e nevojshme dhe vazhdojmë të shohim me interes zhvillimet e ngjarjes, duke respektuar Drejtësinë. Ishte pozitiv fakti që kërkesa greke për praninë e një oficeri të policisë greke në Shqipëri u pranua gjatë hetimeve përkatëse.”
Në këtë kontekst, z. Koutougallos thekson nevojën për “të qenë shumë të kujdesshëm në të dy anët e kufirit, dhe jo vetëm në nivel të autoriteteve qeveritare”, duke vënë në dukje se ekstremizmi i popullit sjell jotolerancë dhe asgjë pozitive.
Ai gjithashtu thekson se Greqia po pret Tiranën që të miratojë aktet normative për të zbatuar plotësisht ligjin mbi mbrojtjen e pakicave, duke kujtuar se mbrojtja e të drejtave të pakicave është një nga kriteret për perspektivën evropiane të Shqipërisë. TIRANA TODAY
