Mihrije Braha është një nga këngëtaret më të dashura për publikun shqiptar. Ajo ka bërë për vete shumë fansa në Kosovë, Shqipëri e Diasporë.
Së fundmi, këngëtarja që mesa duket s’di të plaket, ka qenë e ftuar në emisionin “Mirage”. Ajo ka ndarë me publikun momente shumë të vështirë të jetës së saj.
Artistja ka rrëfyer se ka pasur dy shtatzëni të humbura dhe kjo është një nga ato ngjarje që në jetën e njeriut lë gjithmonë gjurmë.
“Unë kam pasur dy shtatzëni të tjera, në njërën kam qenë shtatzënë, por nuk e kam ditur dhe kam shkuar te doktori. Po, ke vonesë cikli më tha dhe më dha tableta. Kur merr medikamente fetusi nuk zhvillohet normal. Kur shkova të bëja kontroll doktori tjetër më tha, ti je shtatzënë, je dymuajshe. I thashë për terapinë dhe më tha, jo nuk duhej t’i kishe pirë. Dhe nuk e lamë të vijonte shtatzënia, e ndërpreva me dashje, por jo me vullnetin tim. Shtatzënia e dytë ndodhi kur Platori ishte në çerdhe. Diku në muajin e 4 e gjysmë pata një dështim spontan, ka qenë shumë e dhimbshme. Platorit i pëlqente barku dhe vinte ma puthte. Më pëlqente vetja kur kaloja te pasqyra. Nëse është vëlla do t’ia vëmë emrin Jon, nëse është motër Ikena tha Platori. Por, as sot e kësaj dite nuk e kam ditur nëse ka qenë Ikena apo Joni, nuk kam dashur ta di”, u shpreh Braha e përlotur.
