Qindra mijëra fëmijë dhe adoleshentë u përfshinë në luftime në Luftës së Parë Botërore. Por historia më e pabesueshme është ajo e 8-vjeçarit, Momçilo Gavriç. Në vitin 1914, forcat austriake pushtuan dhe dogjën fshatin e tij, duke i ekzekutuar gjysmën e familjes 13-anëtarëshe.
Ai vetë arriti të arratisej në mal, ku iu bashkua ushtrisë serbe, për t’u bërë ushtari më i ri i Luftës së Parë Botërore. Iu dha një uniformë ushtarake e përshtatur për trupin e tij, u plagos disa herë, dhe mori disa medalje për trimërinë e treguar në beteja. Në moshën 10-vjeçare mori gradën e rreshterit.
Pas luftës rinisi shkollimin fillor në Selanik të Greqisë, dhe më pas u dërgua me bursë të shkollohej në Angli. Në vitin 1929, Momçilo u arrestua dhe u burgos për dy muaj, pasi u akuzua se po dezertonte.
Zyrtarët ushtarakë, refuzuan ta besonin historinë e tij mbi pjesëmarrjen në Luftën e Parë Botërore, pavarësisht se të gjithë dokumentet e provonin atë. Momçilo u arrestua edhe dy herë gjatë Luftës së Dytë Botërore, ku nazistët e dërguan në një kamp përqendrimi afër Beogradit. Në fund të luftës arrestohet sërish këtë herë nga komunistët, pasi u akuzua si bashkëpunëtor i nazistëve. Doli nga burgu disa vite më vonë. Vdiq në vitin 1993, në moshën 87-vjeçare.
