Flet për herë të parë i ati i Kostandinos Kaçifa, Janis Kaçifa. Ky i fundit ka komentuar mes lotësh ngjarjen e rëndë që ndodhi para dy ditësh në Bularat, ku forcat RENEA vranë 35-vjeçarin, pasi ky i fudnit i sulmoi me automatik.
Janis Kaçifa foli për median greke, Protothema.gr, duke thënë se djali i tij u vra nga policia shqiptare sepse ishte patriot.
Janis shprehet se i biri ishte i ndikuar nga ndjenjat patriotike për grekët dhe se ishte i lidhur me helenizimin.
“Konstandini u inspirua nga ushtarët grekë që u vranë në Vorio-Epir në ’40-41. Ai ishte i inspiruar aq sa nuk ndahej dot nga flamuri grek.
Djali shkoi në fshat 5 vite më parë për të punuar. Kur erdhi, ai tundi flamurin grek ku u vranë ushtarët grekë dhe tha se ndihej grek. Ai donte të shkonte në Bularat sepse kishte ndjenja patriotike për helenizmin.
Ai denonconte statusin e një bote sovrane, që nuk mbrojti dot Vorio-Epirin. Djali im thoshte se: Ne nuk na duan. Budallenjtë e botës sovrane dhe të pavarur, e lanë Vorio-Epirin jashtë.”
Familja e Kostandinos Kaçifa nuk ka pranuar ta tërheqë trupin e 35-vjeçarit, duke kërkuar që të bëhet ekspertizë mjeko-ligjore e pavarur, kërkesë kjo e rrëzuar nga Prokuroria e Gjirokastrës.
