Cristiano Ronaldo befasoi të gjithë në merkaton e verës kur u largua nga Real Madrid për tu bashkuar me Juventusin në Serie A. Ai u përkushtua maksimalisht me bardhezinjtë që të ambientoheshe sa më shpejt, saqë refuzoi kombëtaren e Portugalisë dy herë, por në konsensus me Federatën dhe trajnerin.
Sipas asaj që shkuan “Corriere dello Sport”, ylli portugez tani është gati t’i thotë një përgjigje pozitive trajnerit të kombëtares, Fernando Santos dhe të grumbullohet për dy ndeshjet e fundit në kuadër të UEFA Nations League, që Portugalia do të luajë më 17 nëntor, në Milano, kundër Italisë dhe më 20 nëntor në Guimaraes, kundër Polonisë.
Ka qenë vetë Ronaldo ai që ka kërkuar që mos të grumbullohet për ndeshjet e shtatorit dhe tetorit, në mënyrë që të përshtatej më shpejt me futbollin italian duke bërë stërvitje të vazhdueshme. Duhet thënë se Portugalia kryeson grupin me 6 pikë dhe ndiqet nga Italia me 4 dhe Polonia me 1.
