Kreu i Partisë Demorkatike, Lulzim Basha ka akuzuar Ramën se mori plot 15 mandate falë krimit. Basha tha se Rama organizoi grupet kriminale për të blerë votat në qarqe të ndryshme.
Sipas kryedemokratit, Dako ka bashkëpunuar me grupin Avdylaj për blerjen e votave, ndërsa Basha përmendi edhe emra të deputetëve të përfshirë në blerje votash.
Fjala e Bashës:
Kriminelët e Fushë Krujës grabitën vota me ndihmën e deputetit Rraja. Djali i deputetit u hetua për blerje votash. Rraja i vogël ndihet oponenti i opozitës. Kriminelët e grupit Avdylaj kanë punuar për votat për llogari të Vangjush Dakos e Edi Ramës. Bashkë me Ramën erdhën në pushtet Avdylajt. Ndokajt në Lezhë, banda elektorale e PS-së. Në Kavajë, Ervin Roshi ka bërë të njëjtën gjë. Në Elbasan Qazim Sejdini ka bërë të njëjtën gjë. Njësoj në Dibër. Prokuoria ka një dosje ku hetohet për shitje blerjen e votave ku përfshihen Ulsi Manja, Damian Gjiknuri dhe Saimir Tahiri. Krimi i ka siguruar Ramës të paktën 15 mandate. Në 2013, kriminelët i bëri deputetë.
